Nagpanugyan ang Bacolod City Police Office sa mga gun owners sa siudad nga nga wala pa maka renew sang ila License to Own and Possess Firearms nga i-surrender anay sa kapulisan ang ila mga pusil.
Ginsiling ni Police Lieutenant Colonel Lester Leada, Deputy City Director for Administration nga may masobra pa sa 5,000 ka firearm holders ang wala pa maka-renew sang ila lisensya.
Kadam-an diri ang mga security agencies. Suno kay Leada, nahangpan man sang kapulisan nga madugay ang proseso apang kinahanglan nga matapos sang mga gun owners ang tanan nga mga dokumento agud mangin legal ang ila pagdala sang pusil.
Nagapadayon man ang Oplan Katok program sang kapulisan agud matapna ang iligal nga pagpnag-iya sang pusil.
Ginklaro man ni Leada, nga kun madakpan ang isa ka persona nga nagadala sang pusil kag wala pa ini maka renew sang lisensya, may salabton ini sa paglapas sa layi.
Apang kun na surrender ang pusil sa kapulisan, sarang pa man ini makuha kun tigayon na nga na renew ang lisensya.
[sibwp_form id=1]