Masobra isa ka libo nga mga pasahero, sakayan, rolling cargoes kag motorbanca ang stranded sa mga pantalan sa Negros Occidental bangud sang malain nga tiyempo.
As of 2 p.m. subong nga adlaw sang Biyernes, kanselado sa gihapon ang mga biyahe sang sakayan pandagat sa mga puerto sang Negros Occidental bangud sang Bagyo Basyang.
Gani, base sa monitoring sang Philippine Coast Guard as of 12 noon today, nagdangat sa masobra 725 ang mga na-stranded nga pasahero, drivers kag helpers. Samtang yara naman sa 28 ka mga sakayan pandagat ang wala makabiyahe.
May 295 ka nga rolling cargoes kag 19 ka motorbancas ang wala makahalin sa mga puerto.
Sa BREDCO Port sa Bacolod City, gindala ang 225 ka mga stranded nga pasahero sa Education and Training Center School kun diin temporaryo sila nga magatiner samtang wala pa nagbalik ang mga biyahe sa puerto.*
[sibwp_form id=1]