Gina paabot kag excited man ang mga stakeholders gikan sa Negros Oriental para katumanan sang Negros Island Region.
Ini suno kay Woodrow “RR” Maquiling, Jr., executive director sang Provincial Tourism Board kag nag tiglawas kay Negros Oriental Governor Manuel “Chaco” Sagarbarria.
Suno kay Maquiling ini ang lubos nga gina suportahan sang Negros Oriental.
Wala tigayon nakatambong si Sagarbarria sa 16th Negros Island Organic Farmers Festival.
Sa speech ni Maquiling sa amo nga pagtilipon iya ginsiling nga ang Negros Oriental ang may pinaka mataas nga poverty index sa Central Visayas rason nga nalipay sila sa organic agriculture kag naga laum nga ang amo nga tikang makabulig sa probinsya.
Sa interview sang media ginsiling ni Maquiling nga ang food tourism kag organic agriculture upod sa Negros Occidental kag Bacolod ang mangin bedrock ukon mangin mabakod nga pondasyon sang pag isa sang mga probinsya sa idalom sang NIR.
Sa karon kabahin sang Region 7 ang oriental kag 6 naman ang Occidental.