Provincial Health Office plano nga indi anay ibalik sa Department of Health ang malapit 221mil ka supply sang bakuna nga maga expire karon nga bulan sang Abril.
Sa Bacolod, paubos na ang sadto malapit 20 mil ka doses sang Covid-19 vaccines nga manug expire sa sini nga bulan sang Abril.
Suno kay Dr. Edwin Miraflor, OIC sang City Health Office, padayon nga ginatinguhaan sang Emergency Operations Center nga ini ang ma-administer ilabi pa para sa booster dose.
Wala pa nakaagi nga nag-expire ang bakuna sa storage facility sang siudad.
Samtang ang Negros Occidental,may 221 mil naman ka doses sang Covid-19 vaccines ang manug expire pagkatapos sang bulan sang Abril.
Suno kay Provincial Health Officer Dr. Ernell Tumimbang, plano nila nga indi anay ibalik sa DOH regional office ang mga ma expire nga bakuna.
Ini sa paglaum nga pwede pa ma-extend ang pag-gamit sang bakuna paagi man sa emergency use authorization nga manggikan sa Food and Drug Administration.
Nobyembre sang nagligad nga tuig sang nag expire man ang masobra 14 thousand doses sang AstraZeneca vaccines sa probinsya.