Site icon Digicast Negros

Manokan vendors nga may utang sa siudad nagpasalig nga ang ila income sa MassKara ang ila ibayad

Handa na ang mga stall owners sang Manokan Country para sa Masskara Festival.

Pero indi man malipod nga sa pagsugod sang tuigan nga selebrasyon mawad an sang palangabuhian ang pila sa ila kun indi nila mabayaran ang nabilin nga P7.7 milyones pesos nga utang sa siudad.

Setyembre 30 ang deadline nga ginhatag sa ila para bayaran ang pag renta nila sang Manokan stalls sa pila na tuig.

Pasalig ni David Montoya, presidente sang Manokan Country vendors association, nga kun matagaan sila extension ibayad nila sa siudad ang ila income sa Masskara.

Si Mayor Albee Benitez nagpahayag na nga i-award nila sa iban pa nga interesado nga mag negosyo ang mga stalls nga mabakante sang mga stall owners nga sarang mapahalin kun indi makabayan sang utang sa gintalana nga deadline.

Magluwas sa Manokan Country ginasukot man sang siudad ang mga market vendors sang Burgos, Libertad kag Central Market nga may P25.4 milyon nga utang.

Skip to toolbar