Manipis nga ash fall ang na-monitor sa isa ka barangay sa La Carlota kag isa man ka barangay sa La Castellana sang Sabado, kasunod sang degassing sang bulkan Kanlaon.
Suno kay John de Asis ang pamuno sang Disaster Risk Reduction Management Office sang La Castellana, may report sila nga nabaton nga may yara sang minimal nga ash fall sa Brgy Robles sang Nobyembre 2 kag 3.
Sa report naman sang PDRRMO, may manipis man nga ash fall sa Brgy Yubo sa La Carlota sang November 2.
Kag sang Nobyembre 3, suno kay La Carlota City Mayor Rex Jalandoon may diutay man nga ash fall sa Brgy Ara-al.
Suno kay Jalando-on, nakahibalo na ang mga pumuluyo kun ano ang himuon sa kasubong nga sitwasyon kaangay sang pag tenir sa sulod sang balay kag pag gamit sang face mask bilang proteksyon.
“As usual amo man na gyapon nga advice, be indoors, wear mask, bisan indoors.
Be alert, be vigilant, ang usual naton kabalo naman na sila”, suno kay Jalandoon.
May pagpanimaho man sang asupre sa pila ka barangay kaangay sang Yubo kag Ara-al sa La Carlota kag Cabagnaan sa La Castellana.
Pero ginsiling ni de Asis nga may yara sang naka install nga air quality monitoring machines gikan sa DENR sa Biak na Bato kag Robles kag sa karon wala man sang warning nga nabaton bahin sa standard sang
“May ara monitoring machine ang DENR ara sa Biak na Bato and sa proper Robles, iya ka EMB nila nga division. So may air quality monitoring machine na sila. And then wala man sila advisory for hazardous nga air”, suno kay de Asis.