Patay ang isa ka mangunguma matapos gintiro sang tatlo ka mga armado sa Sitio Balatuan, Brgy. Dolis sa banwa sang Calatrava, sadtong Martes.
Nakaangkon sang igo sang bala sa ulo kag tiyan ang biktima nga si alyas “Jemar”, 53-anyos.
Naggwa sa imbestigasyon nga may nag-abot nga mga armado nga luyag makig-istorya sa biktima.
Matapos sini, nagdalagan ang biktima pasulod sa ila balay kag siya ang ginsundan sang mga suspek kag ginluthang.
Ginsiling ni Police Capt. Jesus Alba, hepe sang Calatrava PNP, land conflict ang motibo sa insidente bangud madugay na nga naga-inaway ang magpamilya bangud sa duta.
[sibwp_form id=1]