Wala pa man malubad ang kaso angut sa pagkapatay sang mag live-in partner sa banwa sang Calatrava, may panibag-o na naman nga kaso sang pagpaniro. Patay ang 63 anyos nga si Fructoso Patubay, Sr. sa Sitio Antubayon, Brgy. Laga-an, Calatrava kahapon sang aga.
Suno kay Police Major Ronald Santillan, ang hepe sang Calatrava PNP, nagpahalab lang sang kasapatan ang biktima kag dugay-dugay may nabatian na nga nilupok ang iya nga mga himata. Naabtan na lang nila ang duguon nga biktima. Ginhingagaw siya dala sa ospital pero gindeklarar nga dead on arrival.
Gina usisa pa sang PNP kun sin-o ang sa likod sang pagpaniro.
Martes sang ginpang tiro man ang mag live in partner nga Elpidio Guarin kag Evangilyn Denapol sa Barangay Cambayobo. Wala pa man makilala ang suspek sa pagpaniro.