Mangunguma patay sa pagpamuno sa plaza sa bisperas sang pista sa Biao sa Binalbagan

Nagatindog sa plaza sang Barangay Bi-ao sa banwa sang Binalbagan ang 31-anyos nga lalaki sang siya ang ginbuno sang makapila ka beses pasado las 12 sang kaagahon, sadtong Domingo, bisperas sang ila kapistahan.

Ginsaylo sa ospital sa Bacolod City apang napatay ang biktima nga si alyas “Ariel”, isa ka mangunguma.

Ginsiling ni Police Capt. Joelan Vinson, hepe sang Binalbagan PNP, ginbuno sang hubog nga suspek ang biktima gamit ang garab nga ginpataliwis.

Gindakup sang mga tanod ang suspek nga ginkilala kay alyas “Joeitin”, 33-anyos kag ginturn-over sa Binalbagan PNP.

Suno sa suspek nga gintapungol sang biktima ang iya manghod rason nga iya siya ginbuno sa likod kag tiyan.

Kaso nga murder ang ginpasaka batok sa suspek.*

[sibwp_form id=1]