Patay ang isa ka mangunguma matapos makuryente sa Purok Lubi 1, Barangay Caridad sa Bago City, Hwebes nga adlaw.
Gindeklarar nga dead on arrival sa Bago City Hospital ang 36-anyos nga mangunguma, nga ginkilala kay alyas “Jose”, sang Brgy. Ilijan.
Suno sa iya upod sa pagpanguma nga si alyas “Arnel”, gikan sila sa talamnan kag may ginadala nga hand tractor padulong sa dalan, apang nasalapay sang biktima ang nagalaylay nga linya sang kuryente halin sa dalan pakadto sa balay sang isa ka residente sa lugar.
Nahulog ang mangunguma sa kanal matapos makuryente.
Gindala ang bangkay sang biktima sa punerarya kag ginpaidalum sa post-mortem examination.*