Nagatanom sang palay ang 32-anyos nga lalaki sang siya ang nagsaylo sa pihak nga lote agud magpamuhin sa Sitio Irrigation, Barangay Batuan sa banwa sang San Enrique, mga las 11:45 sang aga sang Martes, Hunyo 16.
Apang, sang natapos na pamuhin ang lalaki kag magalakad na kuntani sa barb wire, siya ang nakuryente.
Gindala sa Valladolid District Hospital ang biktima apang gindeklarar nga dead on arrival.
Nag-gwa sa imbestigasyon nga may naka-angot nga alambre sa barb wire kag sa wiring sang kuryente.
Nag-istoryahanay na sa barangay ang tag-iya sang pribado nga lote kag pamilya sang biktima apang wala sang settlement nga natabo, suno sa pulis.
May duha ka mga menor de edad nga kabataan ang biktima.
[sibwp_form id=1]