Nasapwan nga naga-utaw-utaw ang bangkay sang isa ka senior citizen nga mangingisda sa suba sang Zone 1 sa Villa Miranda, Barangay 6-A sa Victorias City sang Martes.
Nag gwa sa imbestigasyon nga nagkadto sa iya motor banca ang 67-anyos nga biktima Martes sang kaagahon agud nga mag-preparar nga mangisda.
Makaligad ang isa ka oras, ginpangita siya sang iya asawa apang wala ini makit-an.
Pasado las 7 aga sang may isa ka mangingisda nga magasakay kuntani sa banca, ang nakadepara sa naga-utaw-utaw nga lawas sang biktima.
Wala naman sang may nakita nga mga pilas sa lawas sang senior citizen.