Patay si Clint John Canieso matapos ini mabun-an sang Miyerkules sang kontra sang iya nga utod sa daan nga merkado sa Himamaylan City.
Sa imbestigasyon sang PNP, upod sang biktima ang iya nga magulang nga si Charlie nga nag padulong sa merkado kag gin pangita sang iya magulang ang kontra sini nga si Roberto Montevilla. Si Montevilla ang hana kun tani tiruhon sang magulang suno sa pulis apang natapi sang mga yara sa lugar ang iya armas sang nakita nga iya ini gingabot.
Nasalabat sang bala ang bystander nga si Ronald Gane nga karon gina bulong sa ospital. Gin tambangan kag gin kastigo suno sa pulis si Charlie bangud sang pag paniro.
Nagpalagyo ang iya manghod apang nakita ini sang anak ni Montevilla nga si Richard gani sila ang nag pukutay. Didto na nabun-an sang anak ni Montevilla ang manghod nga Canieso kag napatay.
Ginabulong sa ospital ang magulang nga Canieso bangud sang pag kastigo sa iya samtang padayon naman ang pag pangita sang PNP sa nakapatay sa iya nga manghod.