Digicast Negros

Malapit sa 70 ka persona biktima sang peke nga food package nga gina tanyag online

Mahilig ka bala mag order sang food package online sa indi mo kilala nga persona?

Sa Negros Oriental, malapit 70 ka mga persona gin biktima sang gina alegar peke nga food package service.

Gina pangita sa karon sang pulis ang tag-iya sang food package service sa Negros Oriental nga si Roselyn Dagoy matapos gin reklamo sang malapit 70 ka mga persona nga iya gin-alegar gin budol-budol.

Suno sa Negros Oriental PNP, ang mga biktima ang nag order sang food package sa social media page ni Dagoy pero matapos mag order, wala mag tupa sa ila ang mga gin-order nga pagkaon.

P1,500 tubtob P35,000 ang balor sang mga pagkaon nga gin-order sang mga tag reklamo nga wala tanan nag abot.

Gin refer na sang PNP sa National Bureau of Investigation ang kaso.

Exit mobile version
Skip to toolbar