May masobra na sa 1,900 ka mga job order workers ang may yara na sang endorsement samtang ginapatuman ang skeletal workforce sa Bacolod City Government Center.
Pero Katunga pa lamang ini sang ginabulubanta nga malapit sa 4,000 ka mga JOs nga ginakinahanglan sang siudad. Ginpahayag ni Mayor Greg Gasataya nga sa karon ila pa ginatan-aw ang availability sang pondo kabahin sang ginapatuman nga transition.
Nagligad lang nga semana sang ginpangunahan sang alkalde upod sa mga city department head kag executive assistant ang pagpaidalom sa drug testing. Ini man ang ginapaabot niya sa pila pa ka mga city employees nalakip diri mga JO sa pagpasiguro sang drug-free work place.