Nalakip ang Negros Occidental sa mga probinsya nga gin-suspend ang klase kag trabaho sa mga government offices bangud sang malain nga panahon.
Dala sang pagtupa sang mabunok nga ulan sang Domingo, may pila ka mga pumuluyo ang gin-evacuate bangud sang pagsaka sang tubig, kasubong man mga dalanon nga temporaryo wala maagyan bangud sang pag overflow man sang tubig.
Sa report sang Provincial Disaster Risk Reduction Management Office, as of 11am bangud sang epekto sang Low Pressure Area kag sang Southwest Monsoo, sa La Carlota, Pontevedra, Kabankalan kag La Castellana may 681 ka pamilya ukon 2,832 ka persona ang apektado, 208 ka pamilya diri ukon 663 ka invidual ang gindala sa evacuation centers.
Sang Domingo sa Bago City may pag overflow sang tubig sa Mailum kag Binubuhan pero sa karon passable na ang dalan.
Sa banwa sang La Castellana, may pagsaka sang tubig sa Brgy Sag-ang rason nga may pre-emptive evacuation kag sa BiaknaBato naman may pag overflow man sang tubig lakip na mga debris.
Gin-evacuate ang mga apektado.
“Yellow (rainfall category) kita hopefully madula na kita. Indi kita directly affected sang LPA ang enhanced nga southwest monsoon ang aton gina experience subong”, suno kay Sermeno.