Suspendido sa ikatlo nga adlaw ang klase sa Bacolod City sa elementary kag high school level bangud sang malain nga panahon.
Nag pa gwa man sang Executive Order si Negros Occidental Governor Eugenio Jose Lacson nga naga suspend sang klase sa tanan nga lebel sa probinsya sumugod 4pm sang Enero 12 tubtob 11:59 sang Enero 13, bangud sang mabunok nga pag-ulan.
Damlag pa mayoriya sa mga banwa kag siudad sang Negros Occidental ang nag kansela na sang klase Miyerkules kag Hwebes.
May 19 ka mga barangay sa apat ka mga banwa kag siudad sa Negros Occidental ang apektado sang malain nga panahon.
Sa report sang Provincial Social Welfare and Development Office may mga ginbaha kasubong man nag evacuate sa Sagay City, Bago City, Cauayan kag Cadiz City.
Sa 9am nga report sang PSWDO, may 369 ka pamilya ang apektado sang baha, 258 ka pamilya naman ka pamilya ang nag evacuate kag yara sa evacuation center, kag 111 naman ka ang mga na displace pero wala nagtenir sa mga evacuation center.
Suno kay Lacson iban sa ila ang tigayon naman naka balik sa ila nga mga puluy-an kaina sang aga. Dala sang mabunok nga ulan pila sa mga dalanon ang ginbaha kasubong sa highway sa Dancalan sa Ilog, amo man ang pila sa mga dalanon sa Kabankalan City labi na ang sa market.
Pero ini ang nag subside naman. May rockslide naman nga gin report sa upper portion sang ecotranslink highway sakop sang Zone 12 sa San Carlos City tuga sang pag-ulan.
Ginpatigayon na ang clearing operation sa lugar suno kay Joe Alingasa ang DRRMO sang San Carlos City.