Mahimo nga magalawig sa isa ka tuig kag tigayon nga ma clear ang Ibid Creek sa Sitio Tamburong sa Brgy BiaknaBato sa banwa sang La Castellana.
Padayon ang clearing kag sini lamang tigayon na nga nahawanan ang culvert box sa Ibid Creek nga nagbara gikan sa volcanic materials.
Suno kay Remuel Lajo ang incident commander sang Incident Management Team sang La Castellana, base sa ila nga pag istoryahanay sa Provincial kag Municipal engineers magalawig ang clearing operation tungod sa volume sang volcanic materials.
May 808 ka cubic meters ang estimated nga volcanic materials ang tigayon nga na kuha sa barado nga sapa sa clearing operation nga ginsugdan sang nagligad nga semana.
28,000 cubic meters sang mga volcanic materials ang projected kuluhaon sa area para lubos nga ma clear ini.
Suno kay Lajo maayo ang panahon karon gani tayuyon ang obra.
Pero sa kadamo sang volume sang materials kag pila man lamang ang equipment malawig pa kag mahuman ang trabaho.
May duha ka heavy equipment nga ginpadala ang probinsya pero ang isa nag bog down. May tatlo ka mga dump trucks.
Kun madugangan kuntani, mas mapa dasig-dasig ang trabaho suno kay Lajo.
“According kay Engineer Mapa, kag sa Engineer namon, Engineer Victorino nga it would take more than one year nga ma clear siya. Pero indi ta man gid ma expect, amo ni subong nga may mga bagyo, may mga ulan-ulan, tapos damo pa stocks sa babaw, wala pa gid nadulhog, kun may (ulan) tendency may ara pa gid masulod dason”, suno kay Lajo.