Personal nga pagsinalayo. Ini ang isa sa mga ginalantaw rason sang gintunaan sang cholera sa probinsya.
Suno kay Provincial Health Officer, Dr Ernell Tumimbang, ila man ginpadangat sa World Health Orgranization ang sitwasyon angut sa cholera sa probinsya.
Damlag pa ginsiling sang PHO nga sa mga water samples nga ginpadala sa Research Institute for Tropical Medicine isa man lamang ang nagpositibo sa vibrio cholerae kag ini ang gikan sa isa ka water source sa EB Magalona.
Gani gina lantaw nga mahimo ang personal hygiene ukon ang pag sinalayo mismo sang mga natungdan ang kabangdanan.
Dugang pa ni Tumimbang, sporadic ukon pugtak-pugtak ang mga kaso sa mga barangay ukon wala sang clustering. Indi man gani bilog nga pamilya ang naga ka apektuhan. Kun pag kaon man ang ginhalinan, may kabudlayan naman sa pag trace sini suno sa PHO.
Sa December 4 nga datus sang PHO 67 ang cholera cases sa Negros Ocidental, duha diri ang napatay.