Arestado ang estudyante nga si Denmark Liscano kag iya sini negosyante nga live in partner nga si Marijo Acuña matapos makuhaan sang 1.3 milyones pesos nga balor sang iligal nga droga sa buybust operation kahapon sa Brgy. 3 sa Victorias City.
Suno kay Lt Judesses Catalogo, spokesperson sang Negros Occidental Police Provincial Office, si Liscano nga sadto nag surrender sa oplan tokhang amo ang subject sang buybust kag isa ka bulan man ang monitoring sang kapulisan may angut sa iya sini iligal nga transaksyon.
Ginpatigayon ang buybust kahapon kag sila sang iya live in partner ang nakuhaan sang duha ka plastic kag 25 ka sachet sang suspected shabu nga naga balor tanan sa 1,360.000. May improvised shotgun pa kag duha ka bala nga na kuha kay Liscano.
Kaso nga pag lapas sa RA 9165 ang ipasaka batuk sa ila kag dugang nga kaso nga violation sa RA 10591 ang ipasaka kay Liscano.