Public Hearing angut sa gina duso nga ordinansa nga naga dumili sang tanan nga commercial fishing activities sakop sang municipal waters sang probinsya sang Negros Occidental ang ginpatigayon.
Ang proposed ordinance naga duso sang pagdumili sang tanan nga commercial fishing sakop sang municipal waters sang Negros Occidental labi na ang yara sa 15 kilometer municipal water nga reserved sa idalom sang laye para sa mga municipal fisherfolk.
Tuyo sini nga mapangapinan ang fishery resources, ma-conserve ang marine ecosystem kag mapangapinan ang palangabuhian sang mga magagmay nga mangingisda.
Tuyo man sang proposed ordinance nga mapabakod ang fisheries governance kag ma-promote ang sustainable nga pag gamit sang coastal resources sa bilog nga probinsya.
Ang mga nakasaad sa amo nga ginaduso nga ordinansa base sa legal opinion sang Provincial Legal Office ang santo sa nakasaad sa Local Government Code.
Suno kay Board Member Andrew Montelibano nga Committee chairperson sang Environment matapos ang public hearing, ginhatagan nila sang 15 diyas ang mga fisherfolks kag iban pa gid nga stakeholder para mag submit sang ila nga luyag malakip sa gina duso nga ordinansa.
[sibwp_form id=1]