Liwat nga gindakup Hwebes sang gab-i sang mga drug operatives sa Bacolod ang mag-live in nga naka-agi na anay dakup bangud sang iligal nga droga.
Sini nga tion, nakuhaan sila sang 105 gramos ukon P714,000 nga balor sang ginasuspetsuhan shabu sa ginpatigayon nga buy-bust operation sang City Drug Enforcement Unit.
Ginpatigayon ang buy-bust sa Purok Lampirong, Barangay 2 sa syudad sang Bacolod.
Ginpanginwala naman sang duha nga halin sa ila ang nakumpiskar nga ginasuspetsuhan shabu.
Balik sa prisohan ang duha kag kaso nga paglapas sang Republic Act 9165 ukon Comprehensive Dangerous Drugs Act of 2002 ang ipasaka batuk sa ila.