Digicast Negros

Mag-iloy patay sa aksidente

Patay ang isa ka iloy kag iya duha ka tuig nga anak matapos ma aksidente kahapon sang hapon sa highway sa bahin sang Barangay Maquiling sa siyudad sang Sagay.

Sandig sa imbestigasyon sang Sagay PNP, ang tricycle nga gina maneho sang amay ang naga sunod sa depasahero nga jeep.

Hinali lang nag pondo suno sa pulis ang jeep bangud may nagpanaog nga pasahero kabangdanan nga nag likaw ang tricycle.

Guba ang signal kag brake light sang depasahero nga jeep suno sa pulis amo nga wala ini ma deparahan sang amay nga naga dala sang tricycle gani ulihi naman ang iya nga pag likaw kag nabunggo ini sa kilid sang jeep.

Nag resulta ini sa pag labog sang iya duha ka tuig nga anak nga yara sa iya atubang kag sa iya misis nga naga angkas.

Pag labog sa pihak nga linya, nabungguan naman sang naga sugata nga military type nga jeep ang mag iloy nga nag tuga sang ila kamatayon.

Gin detain pareho ang driver sang depasahero nga jeep kag ang naka bunggo sa mag-iloy.

Exit mobile version
Skip to toolbar