Nagsugod sa paglalisay ang nagluntad nga pagpaniro kag pagpangbuno, nga nagresulta sa kamatayon sang mag-asawa sa Purok Tilapia, Barangay 3 sa Bacolod City, Domingo sang hapon.
May igo sang bala sa ulo si alyas “Paul”, 31-anyos, isa ka miyembro sang Philippine Army, may ranggo nga Private First Class kag na-assign sa 11th Infantry Battalion sa Siaton, Negros Oriental.
Ang iya asawa nga si alyas “Leonora”, 28-anyos ang nakaangkon sang 11 ka mga buno sa lawas.
Ginsiling ni Police Lt. Conan Gadayan, officer-in-charge sang Station 2 nga nag istorya si “Leonora” sa iya bana ” angut sa gin-alegar pagbastos sang tatay sini sa iya manghod nga babaye.
Nag-gwa sa imbestigasyon sang PNP nga nag init ang away sang mag-asawa kag nagpalupok sa salog si alyas “Paul”, sang iya Glock 17 issued service firearm. Didto kag nag-agaway sang pusil ang mag-asawa, ugaling napalupok sang bana ang pusil sa iya mismo nga ulo.
Pagkakita ni alyas “Edwin”, 54-anyos, ang tatay ni alyas “Paul” nga nagahigda na ang iya bata, nagkuha ini sang patalom kag ginbuno si “Leonora”.
Arestado si alyas “Edwin” kag kaso nga homicide ang iya paga-atubangon bangud sang pagpatay sa iya umagad.
Na-ilo sang mag-asawa ang ila 12-anyos nga bata nga lalaki.
[sibwp_form id=1]