Detained karon sa Hinigaran PNP ang mag amay nga Panfilo kag July Jordan matapos makuhaan sang pusil sang kapulisan sa pursuit operation sa Barangay Gargato.
Suno sa PNP, nagpalagyo ang mag amay sa Bantay Dagat matapos sila madakpan nga iligal nga nagapangisda sa bahin na sa banwa sang Pontevedra.
Nag pangayu ang bantay dagat sang pontevedra sang bulig sa PNP kag nadakpan sa pursuit operation ang mag amay nga Jordan.
Nakuha sa ila homemade 9mm caliber pistol kag homemade .38 caliber revolver nga lunsay may mga unod nga bala.