Napasaka na sang Lunes, Hunyo 15 ang kaso nga murder batok sa 24-anyos nga estudyante may angot sa pagpatay sa isa ka maestro sa Barangay Alijis, Bacolod City.
Apang suno kay Police Captain Jay-R Reyes, hepe sang Station 7, maga-avail sang preliminary investigation ang suspek nga college student, kun sa diin magasabat ini sa sulod sang 10 ka adlaw sa complaint batok sa iya.
Sang Biyernes may nabatian nga komosyon kag linagapok ang mga tupad balay sang biktima, rason nga nagtawag sila sang pulis.
Sa amo gali nga tion, gina-guba na sang suspek ang kisame sa pagtinguha nga makagwa.
Pag-abot sang pulis, ila naabtan ang suspek nga yara pa sa sulod sang balay kag didto man nila nadiskubrehan ang bangkay sang biktima.
Base sa inisyal nga imbestigasyon, ginpainom sang muriatic acid ang maestro. Isa na ka tuig nga kilalahay ang suspek kag ang biktima. Makapila naman ka beses nga nagakadto ang suspek sa balay sang maestro.
Sa pagkadakop sang suspek kag pagpasaka sang kaso sa iya, makabig na ini nga “crime solved”, suno sa hepe.*
[sibwp_form id=1]