Tatak lokal! Ini ang pagkabig sa isa ka shoe store sa Burgos Street sa Bacolod City. Sa gwa pa lang sang iya nga store may higante na nga boots nga naga bitay. Ini ang 4-5 Shoe and Leather Crafts.
Sa puertahan may mga sapatos man. Pag sulod mo makita mo ang nanari sari nga mga samples sang sapatos nga ila gina himo.
Sa iya showroom sa malapit sa CyberCentre, makita man ang samples sang iya nga mga produkto.
Sapatos man ukon sandals, pang lalaki man ukon pang babaye!
Si Romulo Layola Jr., amo ang tag iya sini. Nag trabaho siya sadto sa Marikina, nangin shoe designer sa makati kag nagpauli sa Bacolod sadtong 1995 para suguran ang iya kaugalingon nga shoe repair shop.
Nag sugod sila sa pag kaayo lang sang mga sapatos pero subong naga himo na sila sang made to order nga mgas apatos, bags kag iban pa nga leather crafts.
Sapatos kag leather nga mga butang sang mga pulis sarang niya mahimo…
Kun may ipakopya ka nga sapatos, masarangan man nila! Kun may kaugalingon ka nga design, pangitaan niya man sang paagi nga mahimo ini halos tanan nga sahi sang special nga klase sang sapatos pwede niya mahimo.
May lima na sila ka branch kag isa diri sa Kabankalan City.
Naga evolve man kuno ang ila serbisyo nga gina tanyag.
Halin sa sapatos kag gamit sang mga pulis….
Pati pagpahimo sang pulungkuan sang bike nga gina paputos sa leather naga damo na. Kalabanan diri, personalized pa. Kag pati riding boots ukon sapatos sang mga naga motorsiklo sarang nila mahimo ukon ma repair!
Suno kay Layola, pasensya kag hands on dapat ang kinahanglan para maglawig sa sini nga klase sang negosyo…
May lima na sila ka branches sa subong kag isa diri sa Kabankalan City. Nag batyag man sila sang epekto sang pandemic pero naga padayon.
May halos 25 siya ka mga empleyado nga sadto anay mga wala man sang trabaho pero iya gin tudluan sang abilidad sa pag kaayo, pag tahi kag paghimo man sang sapatos.