Mabunok nga ulan sa southern Negros nagresulta sa pag-suspend sang klase kag baha sa pila ka lugar

Pila ka mga banwa kag siudad labi na sa Sur nga bahin sang probinsya ang nag-cancel sang klase bangud sang pagbunok sang ulan dala sang Habagat. May pila naman nga nag evacuate tungod sang tubig baha.

Gin-cancel ang face-to-face classes sa La Castellana, Kabankalan, Hinigaran, Hinoba-an, Candoni, Ilog, Himamaylan City, Cauayan, Sipalay City, Isabela kag Binalbagan, kag pila naman ka mga eskwelahan sa Moises Padilla ang nag cancel sang klase sa report sang Provincial Disaster Risk Reduction Management Office. 

Ini agudto malikawan ang ano man nga insidente dala sang mabunok nga ulan kag risgo sang baha.

Sa datus sang Provincial Social Welfare and Development Office as of 10 am, may 106 ka pamilya ang gin-evacuate ukon 256 ka persona sa Ilog, Cauayan kag Sipalay.

Suno kay Irene Bel Plotena may rock slide nga gin-report sa Brgy 4 sa Sipalay tuga sang pila naman ka adlaw nga pag-ulan. 

Pero as of 7:45 am na clear na ang dalanon kag tigayon na nga ma agyan.

Suno kay Kabankalan Mayor Benjie Miranda may gin-evacuate man sa Brgy Binicuil kag pag baha sa Brgy 1, sa Hilamonan, bahin sang Daan Banua, Talubangi kag Brgy 6.

Suno kay Plotena naka heightened alert ang PDRRMC.

Suno kay Office of the Civil Defense Regional Director Donato Sermeno, III, tubtob bwas ginapaabot ang pagbubo sang ulan. Naka preposition naman ang tanan.

---

SIGN UP TO RECEIVE OUR FREE DAILY NEWSLETTER.

Full Name*

Email Address*