MABB Cab kag e-jeepney ginatindugan ni Mayor Albee nga para mapasanyug ang serbisyo sang LGU kag public transport.
Ginklaro ni Mayor Albee Benitez nga ang MABB Cab gamit ang Grab App isa ka tikang para mangin epektibo kag mas mapaayo ang pagserbisyo sang mga city department gamit ang salakyan sang Bacolod City Lgu.
Wala nagakasayuran suno sa iya nga naga compete sila sa katapo sang transport sector kabahin na diri mga taxi bangud para lamang sa mga city employee ang MABB Cab.
Gindugang niya nga wala siya sang nakita nga rason kun ngaa ginapamatukan sang grupo sang traditional jeepney organization ang plano nga pagtalana sang green lane ukon rota nga para sa magabyahe nga electric jeepney sa siudad.
Ang grupo sang Kabacod Negros Transport Coalition ukon Knetco ginabalagan ang paghatag sang rota sa mga e jeep sa pagpati nga sarang sila madulaan sang palangabuhian.
Ila na nga ginahinyo ang pag review sang Local Public Transport Route Plan sa tuyo nga mapangapinan ang nabilin nga traditional jeepney kag kasubong man mga taxi drivers kag operators sa siudad.