Digicast Negros

Maayo nga Christmas gift sa bag-o nga rehiyon kun tigayon mapasar ang NIR sini nga tuig – Gov

Tigayon na nga napasar sa House of Representatives sa second reading ang hagna nga nagatuga sang Negros Island Region.

Suno kay Negros Occidental Governor Eugenio Jose Lacson nga personal ginpahibalo sang amo nga update ni Representative Mercedes Alvarez, kasubong nga automatic naman ang pagpasar sini sa third kag final reading kag pagkatapos sini hulaton ang senate version.

Suno kay Lacson sang tion sang kampanya madamo sa nagpapili sadto bilang senador ang nag promisa sang suporta para sa NIR.

Gin panginbulahan sang senador ang mga kongresista sa ila nga aksyon para matigayon ang pagpasar sang NIR.

Kun makit-an man lamang base sa pag idog sang gina duso nga hagna ang pagpasar sini sa iya ka layi, mahimo nga makahulat na lamang kag indi na kinahanglan pa ang isa ka Executive Order para sa NIR nga isa man sa mga tikang nga ginaduso.

Dugang pa sang gobernador, kun tigayon mapasar ang NIR Bill sini nga tuig, ini ang mangin isa ka maayo nga Christmas gift para sa bag-o nga rehiyon.

Samtang, tinguhaon sa gihapon ni Lacson nga mag pakig-angut kay Negros Oriental Governor Roel Degamo para pamatian ang iya mga sentimiento.

Exit mobile version
Skip to toolbar