Ginsiling ni Atty Gerry Llena ang regional director sang Land Transportation Franchising and Regulatory Board NIR nga indi sarang makapatuman sang saka sa plete ang mga pampubliko nga salakyan bangud may yara sang guidelines nga gina sunod.
Subong wala man gani sang pending nga fare hike petition sa ila nga talatapan.
Sa tuman nga pagsaka sa presyo sang gatong dala sang konplikto sa Middle East kag tanan ang apektado, ang gina lantaw subong sang gobyerno suno sa iya ang pag-release sang fuel subsidy sa mga driver sang pampubliko nga salakyan. Pero wala pa ini sang guidelines.
Si Llena ang nagsapol sini nga adlaw sa mga mayors sa Negros Oriental suno sa iya kag gintalakay ang iya man ginduso pag counterpart nila para sa fuel subsidy nga suno sa iya suportado man sang mga alkalde.
Luyag niya man nga ang mga gobernador sa NIR ang maga buylog man kuntani sa amo nga tikang.
Subong nga Martes ginpatuman ang una nga parte sang saka sa produkto petrolyo nga gin pahat-pahat sa tatlo ka adlaw.
17 tubtob 24 pesos ang isaka sa kada litro sang diesel subong nga semana, sa gasolina naman 7 to 13 pesos ang isaka sa kada litro.
Sa bahin naman sang Department of Agriculture isa man sa gina lantaw nila ang pag release sang fuel subsidy sa mga mangunguma kag mga mangingisda.
Pero padayon pa ang pagsapol suno kay DA Regional Director Engr Jose Albert Barrogo bahin sini nga bagay.
“Depende sa klase na. Ang modern jeepney lain ila rate, tricycle lain ang rate, traditional jeepneys lain nga rate, PUVs lain ila rate and of course if there’s the guidelines I can bring that up for the media for everyone to see para sa transparency. Ang pag pasaka sang plete may guidelines na. Indi pwede nga they will increase on their own. No one is allowed to increase on their own”, suno kay Llena.*
[sibwp_form id=1]