Ginapaabot karon sa gab-i ukon bwas sa kaagahon makasulod na sa Philippine Area of Responsibility ang bagyo kag tawgon nga Basyang.
Kun makasulod na sa PAR, si Basyang ang ika duha nga bagyo nga nagsulod sa Pilipinas sini nga 2026.
As of 3pm, yara na ini sa 1075 km east sang northeastern Mindanao. Ginapaabot nga bwas ma amat-amat na batyagan ang epekto sang bagyo sa pungsod suno sa PAGASA.
Pa-west northwest ang movement sang bagyo kag gina lantaw ang posibilidad nga tabukon sini ang Visayas kag Mindanao sumugod sa Huwebes nga adlaw.
Sa Biyernes halin sa isa ka tropical depression mangin tropical storm na ini.
Kag posible bwas may mga lugar na nga ipaidalom sa tropical cyclone wind signal pero indi mabaskog ang hangin nga dala sang bagyo.
Gina paabot nga may dala nga mabunok nga ulan ang bagyo. Ginpapahanda ang nga taga Visayas kag Mindanao sa posible nga pag baha kag pagluntad sang landslide bangud sang ulan.
Tandaan nga sang naliligad nga inadlaw nga wala pa sang bagyo, ginabaha na ang pila ka mga lugar diri sa Negros Occidental.
Magabag-o pa ang forecast sa lakat sang panahon gani padayon nga magatutok sa lakat sang panahon
[sibwp_form id=1]