Love Triangle – isa ini sa mga gina lantaw sa karon nga rason sang PNP kun ngaa ginpatay ang security guard nga si
alias Arnold sa Barangay Handumanan sa Bacolod Miyerklues sang hapon.
Suno sa kay Police Captain Glenn Montaño ang Station Commander sang Police Station 10, nagasakay sa motorsiklo ang biktima nga gikan sa merkado kay nagbakal ini sang bugas kag butane.
Posible suno sa PNP, ginsundan siya sang suspek kag gintiro bisan pa nagapakitluoy na nga indi lang pagtiruhon kay may ginasagod.
Base man sa statement sang pamilya sa PNP, may nakaaway nga CAFGU ang biktima nga naga sige chat sa iya live-in partner bisan wala man ini ginasapak sang babaye.
May nakaaway man ang biktima pila lang ka adlaw ang nagligad parte sa baklanay sang kahoy para himuon nga furniture.
Sa karon nagapadayon ang imbestigasyon sang kapulisan kag may ara na sila sang person of interest sa kaso.