Katapo sang Love Negros magasapol sa Domingo agud maistoryahan ang ila mangin line-up sa tagsa ka mga LGU sa 2025 elections.
Tubtob karon wala sang opisyal nga desisyon si anay vice governor kag former mayor Isidro Zayco sa mangin plano sini para 2025 elections sa Kabankalan City.
Gani isa man ini sa natalana nga istoryahan sa natalana nga pagsinapol sang Love Negros sa Domingo.
Ginsiling ni Mayor Albee Benitez sa meeting nila ipatpat ang mangin line-up sang political group sa probinsya.
May yara sang coalition sa tunga sang Love Negros kag United Negros Alliance.
Pero indi malipod ang posible nga pagbungguanay sang tagsa ka mga katapo sang magtimbang nga grupo.
Gani sa isa mga options amo ang pagdeklarar sang zona libre sa pila ka mga banwa kag siudad.