Patay ang 72 anyos nga naga driver sang e-bike nga si Emeterio Ordas samtang pilason naman ang iya 12 anyos nga apo matapos sila mabungguan kagab-i sang ambulansya sa Hda Layagon Road sa Barangay Lalagsan sa banwa sang La Castellana.
Sa imbestigasyon sang PNP, gikan La Carlota padulong Isabela kun tani ang ambulansya sang iya sini mabungguan ang e-tricycle nga iya lang man gina sundan.
Suno sa pulis, mahimo wala makita sang driver ang e-trike bangud sa madulom ang amo nga bahin sang dalan kag naga ulan pa sang amo nga tion.
Wala man sang pasyente nga dala ang ambulansya. Gindetain man sa La Castellana PNP ang driver sang ambulansya.