Patay ang 73 anyos nga si Aurelio Rull samtang pilason naman ang iya adoptibo nga 9 anyos nga bata matapos sila ginsulod kag ginbuno kaina sang kaagahon sa Abada Escay sa Barangay Vista Alegre.
Suno kay Captain Elmer Bonilla, hepe sang Police Station 7, isa ka persona ang nag sulod sa ila balay las 3:30 kaina sang kaagahon kag gin tuyo nga buno bunoon ang 73 anyos nga isa ka anay tanod.
Posible daan nga dumot ang ginalantaw motibo sang suspek sa pagpatay kay Rull suno kay Bonilla bangud wala man sang may gin kawat sa iya balay base sa initial nga imbestigasyon.
Nadalahig lang suno sa pulis ang bata nga karon padayon nga gina bulong sa ospital.
May ara naman karon sang person of interest ang PNP.