Mga local officials ang naga laom nga kuntani isa sa gihapon isa ka Negrense ang mangin administrator sang Sugar Regulatory Administration.
Gina tugyan naman nila sa appointing authority ang pagtalana sang bag-o nga SRA Administrator kasunod sang pag resign ni David Alba, suno kanday Governor Eugenio Jose Lacson kag 5th District Congressman Dino Yulo naga laum sila nga Negrense sa gihapon ang mangin tal-os.
Suno kay Unifed President, Manuel Lamata, gina-respeto niya ang desisyon ni Alba, labi na nga ang nagin rason sini sa pag biya sa pwesto may angut sa iya nga ikaayong lawas.
Kun may naga siling man nga may kaangtanan sa issue nga naga palibot sa pag import sang kalamay ang pag resign ni Alba, nagapati si Lamata nga wala sang basehan ini.
Sa gin pa gwa nga statement ni Alba sang Domingo iya ginsiling isa ka honor and privilege ang mag pangalagad sa sugar industry.
Iya gina pasalamatan si Presidente Ferdinand Marcos, Jr., sa higayon, lakip na ang pagbaton sini sang iya nga resignation.
“Ang amon ya tagaan namon free hand si Presidente, bahala na siya kun sin-o gusto ya ipa bulos. Pero gapangayo lang ta, ga ayo kun pwede diri man taga Negros gyapon. Para at least ang Negros ya may voice, kay kita di ang pinaka daku mo, 65 percent kita sang sugar industry, dapat diri halin”, suno kay Lamata.