Ginsuguran na kaina ang pag road test sang electric jeepney para sa libre nga sakay sa Pta. Taytay- Central Market nga rota.
Suno sa jeepney operator nga si Rommel Azucena matawhay ang ila pagbyahe sang e-jeep nga nagsugod las 6 sang aga asta las onse antes ini ginbalik sa charging station sa Bacolod City Government Center.
Nakita man ni Nono Rula nga isa man ka jeepney operator ang bentaha sa pagbyahe sang e-jeep bilang alternatibo sa modernized jeepney unit amo nga nagalaum sila nga kuntani mapanubo pa ang presyo sang e-jeepney unit nga karon nagahamboy sa kapin P2.2M.
Sa 13 tanan ka mga rota iga road test ang e-jeepney nga himu sang Jiangsu Fengshuen New Energy Power Corporation.
Sa madasun nga bulan ginapaabot ang delivery sang dugang nga mga e-jeepney nga gin-order na sang pila ka mga transport cooperative.