Transport strike nga updan sang may kapin sa isa ka libo ka mga depasahe nga mga salakyan madayon sa bwas, Miyerkules, Abril 15, bisan pa may rollback kag ginkakas ang excise tax sa LPG kag kerosene. Libre sakay itanyag sang Bacolod LGU.
Ginkumpirmar ni Rudy Catedral, pamuno sang BACOD MANIBELA nga kapin sa isa ka libo nga mga jeepney units sa Bacolod City ang magapatigayon sang untat byahe buwas nga adlaw.
Bilang solusyonan sang siudad sa sini nga protesta, kapin sa 15 ka mga government vehicles ang maghatag sang libre sakay para sa publiko.
Apesar nga nakakas na ang ang excise tax sa kerosene, kag nag roll back na sa masobra 20 pesos ang presyo sang diesel kag masobra sa 4 pesos naman sa gasolina subong nga adlaw, dayunon sa gihapon sang transport sector ang ila nga untat byahe.
Suno kay Catedral, panawagan nila dulaon ang excise tax kag value added tax sa tanan nga produkto petrolyo ilabi na sa diesel kag gasolina nga ginagamit sang mga jeepney drivers.
Amo man ang pagdula sang Oil Deregulation Law.
Suno sa iya wala pa sa gihapon sang klaro nga pagsulundan ang LTFRB kon san-o kag sin-o nga mga jeepney drivers ang makakuha sang ayuda gikan sa gobyerno nasyonal.
Maga-ugyon sa untat byahe ang mga katapos sang KNETCO-PISTON nga magapatigayon sang rally protesta sa idalum sang Magsaysay Flyover. Ang BACOLOD MANIBELA naman sa Bata Flyover kag ang UNDOC PISTON sa dalan Burgos.
Ginsiling ni Mayor Greg Gasataya nga mga dalagko nalang nga mga salakyan sang gobyerno ang magalibot buwas nga adlaw agud maka accommodate sang mga pasahero.
Bisan may transport strike, madayon sa gihapon ang trabaho sa Bacolod City Government Center kag magahatag man ang siudad sang dugang nga salakyan para magsugat sa mga apektado nga empleyado.
“Yes gid no, madayon gid ang transport strike buwas nga adlaw kay ang excise tax nga ginkuha ara lang man ya sang iya ka kerosene ukon sa ano. Kay ang demand naton excise tax, value added tax, kag i-untaton ang oil deregulation law”, suno kay Catedral.*
[sibwp_form id=1]