Faint ukon lasaw nga banaag ang na obserbahan sa Bulkan Kanlaon Lunes sang aga.
Sa close-up nga kuha sa camera humalin 3:40 am tubtob 4:30 am sang June 29, ukon sini nga Lunes, suno sa Philippine Institute of Volcano and Seismology may faint crater glow ukon banaag ang nakita sa summit sang bulkan Kanlaon.
Suno sa Phivolcs iniang gikan sa superheated volcanic gas gikan sa magma.
Paathag ni Mari-Andylene Quintia, ang resident volcanologist naga tuhaw ang crater glow kun yara na sa manabaw nga level ang magma sang bulkan. Makabig ini nga precursor suno kay Quintia sa explosive ukon magmatic eruption.
Pero indi man mapat-od kun madayon ini ukon indi. Padayon nga iga-monitor ang crater glow ukon banaag, kun ma sustain ini ukon mag lawig posible nga may matabo nga activity kag sarang nga ma pataas ang alert level sang bulkan.
Sang nagligad nga Mayo may crater glow man nga nag lawig sa duha tubtob tatlo ka adlaw kag ini ang nadula.
“Ang mga crater glow usually naga appear na sila if nasa shallow level ang magma sang bulkan. Pwede nga ini siya ang mangin precursor sang isa ka explosive eruption pero indi pa naton mahambal if magdayon siya or not. Kun aton matandaan last time ang hambal naton, kun ang crater glow nga aton makita ma-sustain kag ma-intensify posible kita mag karaon sang activitiy or mag increase sang alert level”, suno kay Quintia.
[sibwp_form id=1]