Bangud sang mabunok nga ulan may nag luntad nga landslide sa banwa sang Santa Catalina sa Negros Oriental sang Sabado.
Sa may Barangay San Francisco may mga salakyan nga na stranded sa dalanon kasunod sang natabo nga landlside.
Sa record sang Disaster Risk Reduction and Management Office apat tanan ka mga barangay ang apektado sang pagtiphag sang duta.
Wala labot sa San Francisco, apektado man ang Manalongon, Nagbalaye kag Talalak.
Temporaryo nga wala malabyan ang dalan bangud sang duta nga nag tumpak sa dalan pero gilayon man nga na hawanan ang dalanon kag subong malabyan na liwat sang mga motorista.
May isa ka pamilya nga gin-evacuate bangud sang natiphag nga duta sa ila balay sa Barangay Nagpalaye.
Gina usisa pa sang DRRMO ang iban nga nabukid nga bahin sang banwa kun may dugang pa gid nga apektado sang landslide.