Lalaki patay sa pagpaniro sa Himamaylan City. Patay si William Balsimo, 38-anyos matapos nga gintiro sa Purok 1, Barangay Carabalan siudad sang Himamaylan kagab-i.
Suno sa kay Police Lieutenant Colonel Anthony Grande ang hepe sang Himamaylan City PNP, ginsiling sang pakaisa sang biktima nga gikan sila sa namatyan kag nagpadulong sa tiyange agud magbakal sang ilimnon.
Kag samtang nagapungko ang mga biktima sa tricycle hinali ini nga gintiro sang suspek kag naigo sang bala sa dughan.
Ginhingagaw pa dala sa ospital ang biktima apang gindeklarar nga dead on arrival.
Nakilala na sang PNP ang suspek kag nagapadayon ang ila nga hot pursuit operation.