Patay ang mangunguma nga si Felix Cabuguas, 62-anyos matapos gintiro sang iya nga kaupod man lang inom nga si Esmeraldo Hilongos, 58-anyos sa Purok Mahogany Brgy. Bagong Silang banwa sang Don Salvador Benedicto, Martes sang gab-i.
Suno sa kay Police Major Rey Tolosa Jr., hepe sang DSB PNP, upod inom ang biktima kag ang iban nila nga abyan. Hinali na lang sila nag lalisay. Suno kay Tolosa, nagpauli si Hilongos kag nagkuha sang pusil kag gintiro sang makapila ka beses ang biktima gamit cal. 45 pistol. Naigo ang biktima sa abaga kag gin dala sa ospital pero napatay.
Sa hot pursuit operation sang kapulisan kaupod ang 79th Infantry Batallion sang Philippine Army gilayon nga naaresto ang suspek kag nakuha sa iya ang pusil. Detained si Hilongos sa DSB PNP kag ipasakaan sang kaso nga murder.