Patay ang 34 anyos nga si Danilo Esgrina matapos siya nga gin buno sang makapila ka beses sang lalaki nga iya man una nga gin labo.
Sandig sa imbestigasyon sang PNP, naga pang lakaton lang sa Barangay Rumirang sa Isabela sang Dominggo sang aga kag papauli na kun tani sa ila balay ang 68 anyos nga si Exequil Amantillo sang hinali na lang siya banggaan kag labuon sa guya ni Esgrina.
Nakabalos suno sa pulis si Amantillo kag iya gin buno sang makapila ka beses si Esgrina gamit ang patalom.
Pareho nga gin dala sa ospital ang duha ka lalaki pero gin deklarar nga dead on arrival si Esgrina.
Detained naman karon sa Isabela PNP si Amantillo.