Wala pa sa gihapon sang himata nga nag-identify kag nag-claim sa bangkay sang lalaki nga nasapwan sa higad sang baybayon nga sakop sang Galicia Baybay, Barangay 5 sa San Carlos City, Martes sang gab-i.
Ginsiling ni Police Capt. Rodney Sarona, deputy chief sang San Carlos PNP, nahamtang ang bangkay sang lalaki sa St. Francis Funeral Homes sa San Carlos.
Nakasuksok sang itom nga t-shirt kag maong pants ang lalaki, ginabulobanta 5 feet and 5 inches ang kataason, naga-edad 40 plus, kag may uyat ini nga flashlight nga may putos.
Wala naman sang may nakita ang PNP nga foul play sa insidente.
“May uyat ni siya nga flashlight nga nakaputos na bala kay nagapanulo allegedly according sa mga bystanders. Sa panagat, nagapanulo. Basi sa neighboring barangays pa ni siya, sa Brgy. Guadalupe. Continuous man ang amon coordination sa mga nearby barangay basi may mga relatives nga na-missing. Nagapanawagan man kami nga kadto lang to sa St. Francis basi ma-identify nila if isa man sa ila relatives ang napatay sa drowning incident. Wala man siya mga pilas nga indication nga may foul play,” suno kay Sarona.
[sibwp_form id=1]