Dakup ang ginakabig high value individual sa ginpatigayon nga buy-bust operation sa Purok Lubi, Barangay 3 sa syudad sang Bacolod, Huwebes nga adlaw, Agosto 21.
Narekober sang katapo sang City Drug Enforcement Unit ang 100 gramos sang ginasuspetsuhan shabu nga nagabalor P680,000.
Suno sa CDEU, ang 46-anyos nga suspek nga ginkilala bilang si alyas “Beb” ang nakaagi na priso sang tinalikdan nga tuig.
Kaso nga pagbaligya kag paghupot sang illegal drugs ang ipasaka batuk sa iya.