Patay ang 51 anyos nga si Recardo Nasis matapos ini mabun-an sang iya himata kahapon sang kaagahon sa Hda. Lucrecia sa Talisay City.
Sa imbestigasyon sang Talisay PNP, nagakatulog ang suspek nga si Leo Diaz sang iya mabatian ang pwersa nga pag sulod sang isa ka persona sa iya balay paagi sa pag guba sang kudal nga himo sa kawayan.
Didto na nakita sang suspek nga ang iya pakaduha nga si Nasis amo ang nagsulod nga may dala pa sang kutsilyo.
Nag agaway ang duha suno sa pulis sang kutsilyo kag didto nabun-an ni Diaz ang iya himata. Dead on arrival sa ospital si Nasis.
Posible may tuyo gid man nga mag pangawat si Nasis suno sa pulis bangud sa nahibaluan sini nga naka baligya sang baboy ang iya himata tatlo ka adlaw ang nagligad.
Gina pamensaran pa sang pamilya sang biktima kun pasakaan nila sang kaso ang ila nga himata.