Gin aresto kahapon sang pulis ang punong barangay sang Barangay Tinongan sa Isabela nga si Eugenio Sambrona matapos iya matiruhan kahapon ang isa ka lalaki nga nagawaras sa ila barangay.
Suno sa PNP, si Sambrona ang upod sang iya mga tanod ang nag responde sa lugar bangud sa gin report nga pag waras sang lalaki nga may diperensya sa pamensaron.
Pag abot sa lugar, nag kuha pa sang binangon suno sa pulis ang lalaki kag hana kun tani labuon ang punong barnagay apang nakalikaw si Sambrona gani amo ini ang nagtulod nga iya palukpan sang armas ang lalaki.
May igu sang bala sa duha ka tiil ang biktima apang estable naman ang iya kondisyon karon suno sa pulis.
Na release naman kaina si Sambrona kay man indi naman mag pasaka pa sang kaso ang pamilya suno sa pulis.