Digicast Negros

Lalaki nga naga inum kaupod ang abyan gintiro, patay

NOCPPO photo

Naga inom lang sa sulod sang payag sa Barangay Guintubhan sa Isabela sang Dominggo sang gab-i ang 28 anyos nga si Ryan Sta. Ana upod sang iya abyan sang gulpi lang mag abot ang mag tiyo kag gilayon gin tiro si Sta. Ana.

Suno sa PNP, ang biktima ang may igu sang bala sa iya ulo kag batiis. Napatay sa ospital pagka sunod nga adlaw si Sta. Ana. Wala naman masamaran ang iya upod.

Ang nagtiro sa bitkima amo si Jimmy Sumagaysay samtang ang iya hinablos nga si Arvin ang yara naman sa iya tupad lang sang natabo ang paniro sa kay Sta. Ana. Nakapalagyo ang duha.

Ginahibalo pa sang PNP kun ano ang motibo sa pag patay kay Sta. Ana.

Kaso nga murder ang ipasaka sang PNP batuk sa duha ka suspek nga karon at large pa.

Skip to toolbar