Patay ang anay preso nga si Joemarie Matarong matapos ini gintiro kagab-i sa dalan sa Barangay Poblacion 2 sa siyudad sang Sagay.
Sa imbestigasyon sang PNP, sakay sa iya nga motor si Matarong sang siya ang gilayon na lang nga gin tiro sang motorcycle rider nga naga sunod sa iya.
Sang natumba na, siya ang liwat pa nga gin tiro sang isa ka suspek nga yara naman naga bantay sa kilid sang dalan. Upod na nga nag palagyo ang duha ka suspetsado.
Dead on arrival si Matarong. Nasalabat man sang bala ang isa ka 56 anyos nga babayi pero ini ang yara na sa maayo nga kahimtangan.
Si Matarong ang sadto may kaso nga murder kag pending case nga wala pa ma file suno sa pulis. Personal nga dumot ang gina tan-aw motibo sa pag patay sa iya.